أول شي الله يوفقك وييسر أمرك، نصيحة مني لك والله أنها نصيحة من القلب، أختار التخصص اللي يعجبك مالك شغل بأي أحد وحتى سالفة المناطق نصيحة في وايد شباب يقولون لك روح هالمنطقة الفلانية لانهم يبونك تروحلها عشان مصلحتهم الخاصة، ونصيحة دور المنطقة اللي في نسبة جيدة من العرب والكويتيين، وهم دور الجامعة الممتازة حق تخصصك، وأي واحد يقولك هالجانعة الفلانية أسحب على شاربه نصيحة.
انا حالياً اول سنة بجامعة من الجامعات ولا سمعت كلام احد لان وايد قالولي إنحش من الجامعة وطلع كلامهم كله فاضي ف نصيحة سو اللي تبيه اللي عليك فقط إنك تستشير الصحبة الطيبة والناس الطيبة.
والله يوفقك يارب.

عذراً على التطفل، هل بتشتري غسالة لان السكن الي انت فيه مافيه غسالة؟
اذا هذا السيناريو، انا كنت مستأجر بيت مافيه غسالة ونشافة واجرت غسالة ونشافة ب ٦٠$ بالشهر.
عموماً اذا بتشتري انصحك من كوسكو لان تقدر ترجعها لو حتى بعد ١٠ سنين.

اول شي حاول تشتري من الخليجين حولك اذا في حساب خاص للطلبه يكون احسن

او عن طريق فيسبوك مارك او كريغليست بس اهم شي تفحص كل سياره عند ورشه قويه وتأكد ان التايتل كلين يعني مو سكراب

دور سيارات تويوتا لكزس هوندا اسعارهم زينه ومشاكلها قليله وقطع الغيار متوفره ورخيصه وسهله بالبيع اذا خلصت منها