دراسة الماستر والملحق الثقافي

إي، يصير تقدم على الماستر قبل ما تتخرج، وعادةً إذا عندك ٩٠ وحده أو أكثر مسموحلك تقدم على قبول الماستر قبل ماتتخرج.

الملحق الثقافيذما يطلعلك ضمان مالي إلا إنقبلت، فأنصح أنت تطلع أو الأهل ضمان مالي من الكويت. وإذا ماعندك المبلغ الكافي للضمان، عادةً ٤٠$ ألف وأكثر، تقدر تروح البنك الوطني ويطلعلك ضمان مالي باسمك بالمبلغ الي تبيه، ويعر الخدمه ٢٠ دينار على ما أتذكر.

إذا تبس تكمل على طول ماستر بعد ما تتخرج شهر ١٢، لازم إجراءات تكون سريعه وأول بأول.

لازم تحسب حسابك أنه عشان لازم تعادل شهادة البكالريوس أول شي بأمريكا، بعدين تندز الكويت، وتتعادل بالكويت. بعدها تقدر تقدم على بعثة الماستر، عن طريق الملحق الثقافي يسويلك طلب أفضل، أو بنفسك بالتعليم العالي.

من تخرجك لي معادلة الشهاده بالتعليم العالي، يحتاج ٢-٦ أسابيع
تقدم الماستر ولجنة الماستر تحتاج أسبوعين.

يعني أحسب حسابك على شهر ٢ أو ٣ يطلع قبولك للماستر. بالأثناء تكون مبلش بالاساس دراسة الماستر، بس تقدر تقولهم أنك بتدفع تقسيط او تأجل الدفع على ما يطلع قبولك من التعليم العالي وأهمه يتكفلون فيها.

طبعاً كل هذا صار لي بالماستر ونفس حالتك بالضبط، بس لازم شغلك بكون أرل بأول مع الأدفايزر وتبلغها من بداية الfall. وتحاول تقدم عالماستر من الحين على كذا جامعة. وطبعاً لازم معدلك ٣.٠ وفوق لقبول الماستر من الجامعه. والتعلبم العالي طبعاً يشرط معدل ٣.٠ و أنك مخلص البكالريوس خلال ٤ سنين، بس مرات يطوفون إذا مخلصها خلال ٤ سنين ونص إذا عندك عذر. أنا خلصت خلال ٤ سنين ونص، بس خليت الادفايزر بالجامعه تدزلهم عذر التأخير بسبب نزول بعض المواد بالسنه مره وحده فقط فسبب تأخر تخرجي.

والله يوفقك ويسهلك إن شاء الله